† منتدى القديسة مارينا أميرة الشهيدات †
† منتدى القديسة مارينا أميرة الشهيدات †
† منتدى القديسة مارينا أميرة الشهيدات †
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

† منتدى القديسة مارينا أميرة الشهيدات †

منتدى قبطى - أفلام وترانيم وألحان وتسبحة وكليبات ترانيم
 
الرئيسيةأحدث الصورالتسجيلدخول

 

 طريقة عمل التبولة الشامى الصيامى

اذهب الى الأسفل 
كاتب الموضوعرسالة
marina_504
المراقب العام
المراقب العام
marina_504


انثى
عدد الرسائل : 487
العمر : 41
تاريخ التسجيل : 20/02/2008

طريقة عمل التبولة الشامى الصيامى Empty
مُساهمةموضوع: طريقة عمل التبولة الشامى الصيامى   طريقة عمل التبولة الشامى الصيامى I_icon_minitimeالثلاثاء 17 يونيو - 19:56

التبولة


المكونات:
2ربطة بقدونس+2طماطم متوسطة+4ملاعق صغيرة برغل+بصلة صغيرة +زيت زيتون(او عادي) + نعناع ناشف+2ليمون+ملح

الطريقة:

1- ننقع البرغل فى مية ونسيبه لغاية ما يبقى طرى لما ناكله يعنى حوالى ربع ساعة وبعدين نشيله من المية ونعصره بايدينا كويس لغاية ما يبقاش فيه مية خالص

2- (وهى دى اهم خطوة لنجاح التبولة) نرتب البقدونس بحيث كل السيقان تبقى مع بعض وكل الورق فوق مع بعضه وبعدين طبعا نقطع السيقان ونرميها وبعدين نقطع البقدونس صغير جدا جدا جدا يعنى اكبر حتة فيه نص سمxنص سم وننقعه فى طبق غويط ومعاه ملح او خل (ليه؟ لان زى ما انتم عارفين الخضار لو ما اتغسلش كويس يجيب امراض زى الاميبا وانا مش عايزاكم تدونى رأيكم وانتوا فى المستشفى وبتدعوا على
واحسن اننا نغسل اى خضار بالخل او الملح )وبعدين نسيب البقدونس المتقطع منقوع فى الطبق الغويط

3- نجيب الطماطم و نقطعها صغير ازاى؟ نقطعها شرائح يعنى حوالى 5 او 6 شرائح وبعدين نقطعها بالطول والعرض فتبقى حتت صغيرة خالص

4-نقطع البصلة برضه صغير جدا ازاى؟؟ نقطعه شرائح رفيعة جدا ونقطعها زى الطماطم بالطول والعرض هتبقى برضه حتت صغيرة قوى

5- نشيل البقدونس من المية (مش نصفيه انما نشيله بايدينا علشان الطين اللى اترسب تحت ما يطلعش معانا ونرمى باقى المية ) ونعصره بايدينا علشان نصفيه خالص برضه من المية ونحطه فى طبق غويط
6- نحط فوقه البرغل والطماطم المتقطعة والبصل

7- نعصر فوقه الليمون والملح والزيت والنعناع واحيانا بيحطوا نص ملعقة صلصة بس مش ضرورى وبعدين نخلطهم سوا لغاية ما يتجانسوا و يتشرب كل حاجة

8-نجيب طيق التقديم ونحط فى ارضيته خس نضيف طبعا ومغسول زى ما اتفقنا بالخل او الملح ليه؟ علشان زى ما اتفقنا ما تدعوش على وبعدين نحط فوقه اللى عملناه فى الخطوة رقم (6 )0
وبالهناء والشفاء
صلوا من اجلى
الرجوع الى أعلى الصفحة اذهب الى الأسفل
 
طريقة عمل التبولة الشامى الصيامى
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
† منتدى القديسة مارينا أميرة الشهيدات † :: +†+ المنتدى الاجتماعى +†+ :: † مطبخ القديسة مارينا †-
انتقل الى: