كلمات ترانيم عيسى كعبر شريط ---ابتهج بالرب

_1_

ما أعجب طرقك يا الهي
القرار
ما أعجب طرقك يا الهي ما بتخطر ابدا على بال
سامح مانع آمر ناهي لخيري فى كل الاحوال
1. علمني كيف لما بسأل انتظرك واطلب وقتك
ولما بتتأنى أتحمل واصبر مستني ردك
وأنا بشكر على أي حال
2. سامحني اذا بنسى حقك في كلامي وصلاتي إليك
ودربني كيف اطلب مجدك في الأول علشان أرضيك
وأرفع صوتي مع اللي قال
3. اهديني برأيك وأنا بهرب من ضعفي لحضنك بأمان
وذكرني انه اللي بيطلب لازم يطلب بالايمان
وفيه راح ينقل الجبال

_2_

محتاج لصوتك
(محتاج لصوتك خليني جنبك مقدرش أحيا حياتي بعيد عن دربك
نورك يهديني وحبك يسبيني وفي حضنك أبقى يوماتي قريب من قلبك)2
وما هاشبع ابداً من حبك ولا هابعد تاني عن دربك
لو مهما العالم يغريني أو ظرفي الصعب يبكيني
(أنا هفضل في الحضن الدافي أتمتع بسلامه الكافي)2
وأتلذذ بالحب الصافي ده يسوع الحلو بيحميني
(لو عدت ايام وفاتت سنين مليانه الآم وضيق وأنين)2
مش هانسى إن انت بترعاني بسلامك دائماً تملاني
ووجودك دائما في كياني خلاني
ما هاشبع من حبك ولا هابعد تاني عن دربك
لو مهما العالم يغريني أو ظرفي الصعب يبكيني
أنا هافضل في الحضن الدافي أتمتع بسلامه الكافي)2
وأتلذذ بالحب الصافي ده يسوع الحلو بيحميني